Şamaxıda yol qəzası: 1 ölü, 1 yaralı

Səhiyyə Nazirliyi Şamaxıda baş verən ağır yol nəqliyyat hadisəsi ilə bağlı məlumat yayıb. Avtosfer.az xəbər verir ki, bu barədə Nazirliyin Mətbuat xidmətindən Trend-ə verilən məlumata görə, qəza nəticəsində iki kişi (39, 31 yaş ) ağır xəsarət alaraq kritik vəziyyətdə Şamaxı rayon Mərkəzi Xəstəxanasına çatdırılıb. Ağır kəllə beyin travması ilə xəstəxanaya gətirilən 39 yaşlı kişinin həyatını xilas etmək mümkün olmayıb.

Kritik vəziyyətdə olan digər yaralının vəziyyəti bir qədər stabilləşdirildikdən sonra onu paytaxtda yerləşən özəl klinikalardan birinə köçürmək qərarına gəliblər. Hazırda müalicəsi özəl klinikada davam etdirilir.