Samuxda avtomobil aşdı: 2 yaralı

Samux rayonunda xəsarətlə nəticələnən yol qəzası olub. Avtosfer.az-ın "Report"a istinadən məlumatına görə, hadisə Köbər kəndində baş verib.

Hərəkətdə olan "VAZ-2106" markalı avtomobil "VAZ" markalı avtomobillə toqquşub və sonra yol kənarına aşıb. Qəza nəticəsində 2 nəfər - Rafiq Qasımov və Rüstəm Mustafayev xəsarət alıblar. Yaralıların hər ikisi xəstəxanaya çatdırılıb.

Faktla bağlı araşdırma aparılır.