Səfirliyin avtomobili qəzaya uğradı: xəsarət alanlar var

Bakıda Küveytin Azərbaycandakı səfirliyinə məxsus avtomobil qəzaya uğrayıb. Avtosfer.az-ın "Report"a istinadən xəbərinə görə, hadisə Kövkəb Səfərəliyeva küçəsində baş verib. 1961-ci il təvəllüdlü Mehman Soltanov idarə etdiyi 90 RT 164 dövlət nömrə nişanlı “Daewoo” markalı avtomobillə qarşısında hərəkətdə olan 1971-ci il təvəllüdlü Camal Sultanovun idarə etdiyi “Toyota” markalı nəqliyyat vasitəsinə çarpılıb. Hadisə nəticəsində hər iki sürücü xəsarət alıb. Qəzaya uğrayan "Toyota" Küveyt dövlətinin Azərbaycandakı səfirliyinə məxsus xidməti avtomobildir.