Şəmkirdə 2 avtomobil toqquşub, xəsarət alanlar var

Şəmkir rayonunda 2 nəfərin xəsarət alması ilə nəticələnən yol qəzası baş verib.

"Report"un Qərb Mərkəzinin məlumatına görə, hadisə Zəyəm-Sabir kənd yolunda qeydə alınıb. 

Hərəkətdə olan 2 minik avtomobilin toqquşması nəticəsində, Əhməd Rüstəmov və daha bir nəfər xəsarət alıb. Hər iki yaralı Şəmkir rayon Mərkəzi Xəstəxanasına aparılıb.

Qəzanın başvermə səbəbləri araşdırılır.