Sərnişin avtobus kanalizasiya quyusuna düşdü: 9 nəfər xəsarət alıb

Kanadanın Kvebek əyalətində sərnişin avtobusunun qəzaya uğraması nəticəsində 9 nəfər xəsarət alıb. Avtosfer.az-ın məlumatına görə, insident ötən gün Qatino şəhərinin mərkəzində qeydə alınıb.

Məlumata görə, avtobus hərəkətdə olan zaman təkərlərindən biri kanalizasiya quyusuna düşüb. Salonda neçə nəfərin olduğu dəqiq açıqlanmasa da, lakin 9 sərnişin xəstəxanaya çatdırılıb. Avtobusa ziyan dəyib.

Bildirilir ki, hadisənin baş verdiyi yerin yaxınlığında quyunun qapağı aşkar edilib.

Hazırda polis qapağın kimin açdığını axtarır.

Namiq Musayev