Sərnişin avtobusu çörək maşını ilə toqquşdu: 1-i ağır, 3 nəfər xəsarət alıb - FOTO

Türkiyənin İstanbul şəhərində sərnişin avtobusunun və çörək daşıyan maşının iştirakı ilə yol-nəqliyyat hadisəsi baş verib. Avtosfer.az xəbər verir ki, insident bu gün saat 10.30 radələrində Qaziosmanpaşa rayonunda qeydə alınıb.

Məlumata görə, sərnişinlərin olduğu marşrut avtobusu naməlum səbəblərdən çörək daşıyan maşınla toqquşub. Zərbənin şiddətindən idarəetmədən çıxan avtobus park edilmiş minik avtomobilinə də çırpılıb. Qəzada hər üç nəqliyyat vasitəsi deformasiyaya uğrayıb.

İlkin məlumatlara görə, hadisə nəticəsində 3 nəfər xəsarət alıb. Yaralılar ambulanslarla xəstəxanaya çatdırılıblar. Onlardan birinin vəziyyətinin ağır olduğu bildirilib.

Polis faktla bağlı təhqiqatlara başlayıb.

Namiq Musayev