Sərxoş sürücü vurduğu piyadanı əzməyə çalışdı - ANBAAN VİDEO

Türkiyənin Muğla şəhərinin Fethiye rayonunun da dəhşətli yol qəzası baş verib.

Avtosfer.az xəbər verir ki, Böyük Britaniya vətəndaşı olan Lisa Jane Di Palma yolu keçmək istəyərkən avtomobilin vurması nəticəsində xəsarət alıb.

Qəzaya səbəb olan sürücünün sərxoş olduğu iddia edilir. Şahidlərin sözlərinə görə, toqquşmadan sonra sürücü panikaya düşərək zərərçəkmiş qadının üzərinə sürməyə cəhd edib. Lakin ətrafdakı sakinlər dərhal müdaxilə edərək həm avtomobili dayandırıb, həm də qadını əzməkdən xilas ediblər.

Hadisə yerinə gələn təcili yardım briqadası yaralı qadını Muğla Təhsil və Araşdırma Xəstəxanasına çatdırıb. Onun müalicəsinin davam etdiyi bildirilir. Sürücü isə polis tərəfindən saxlanılaraq bölməyə aparılıb.

Eltac Zülfüqaroğlu