Şirvanda “Opel” yol kənarına aşdı, sürücü xəsarət aldı - VİDEO

Şirvanda bir nəfərin xəsarət alması ilə nəticələnən yol-nəqliyyat hadisəsi baş verib.

Avtosfer.az-ın məlumatına görə, qəza avqustun 16-da saat 18:00 radələrində şəhərin Naxçıvan küçəsində qeydə alınıb.

Hərəkətdə olan 99-LT-643 dövlət nömrə nişanlı “Opel” markalı avtomobil 77-SF-914 dövlət nömrə nişanlı “Changan” markalı minik vasitəsiylə toqquşub. Toqquşmanın təsirindən “Opel” yol kənarına aşıb.

Qəza nəticəsində hər iki avtomobilə ciddi maddi ziyan dəyib, “Opel”in sürücüsü müxtəlif dərəcəli bədən xəsarətləri alıb. Yaralı Şirvan Şəhər Mərkəzi Xəstəxanasına yerləşdirilib.

Faktla bağlı araşdırma aparılır.

Nərmin