Siyəzəndə ağır qəza: 2 yaralı

Bakı-Quba yolunda ağır yol-nəqliyyat hadisəsi baş verib. Avtosfer.az "Report"a istinadən xəbər verir ki, hadisə Siyəzən rayonu ərazisində qeydə alınıb. Belə ki, "50-DJ-612" dövlət qeydiyyat nömrə nişanlı "VAZ-21012" markalı avtomobil hərəkətdə olarkən idarəetməni itirib, nəticədə avtomobil yolun kənarına aşıb.

Qəza zamanı müxtəlif dərəcəli bədən xəsarətləri alan Şabran rayon sakinləri 1994-cü il təvəllüdlü Dadaşov Aqil Əsgər oğlu və 1987-ci təvəllüdlü Babayev Xəzər Əlixan oğlu 1 saylı Şəhər Kliniki Xəstəxanasına gətirilib.

Aqil Dadaşovova müştərək travma və baş-beyin silkələnməsi, Xəzər Babayevə isə qapalı kəllə-beyin zədələnməsi diaqnozu qoyulub. Hər iki yaralının vəziyyəti ağır olduğu üçün onlar Reanimasiya və İntensiv Terapiya şöbəsinə yerləşdirilib.

Faktla bağlı araşdırma aparılır.