“Su-57” tipli qırıcı təyyarə qəzaya uğrayıb

Rusiyanın Xabarovsk əyalətində “Su-57” tipli qırıcı təyyarə qəzaya uğrayıb. Avtosfer.az xəbər verir ki, hadisə Komsomolsk-na-Amur administrasiyası yaxınlığında qeydə alınıb. Bu barədə “RİA Novosti” məlumat yayıb.

Məlumata görə, təyyarə sınaq uçuşu keçirən zaman aerodromdan 111 kilometr kənarda qəzaya düşüb. Pilot katapult edə bilib, onun vəziyyəti normaldır.

Hadisənin baş vermə səbəbləri yaradılmış komissiyanın araşdırmasından sonra məlum olacaq.

Bildirilir ki, təyyarənin düşdüyü ərazidə ölən və ya xəsarət alan olmayıb.

Namiq Musayev