Sumqayıt-Novxanı yolunda dəfələrlə ötməyə çıxan sürücü qəza törətdi - VİDEO

Sumqayıt-Novxanı yolunda yol-nəqliyyat hadisəsi baş verib.

Avtosfer.az-ın məlumatına görə, qəza bir neçə gün əvvəl günorta saatlarında qeydə alınıb. Belə ki, hərəkətdə olan 10-XS-578 dövlət qeydiyyat nişanlı “VAZ-21099” markalı avtomobillə “KIA” markalı nəqliyyat vasitəsi toqquşub.

Şahidlərin iddiasına əsasən, hadisəyə “VAZ” sürücüsünün ötmə qaydalarını pozması səbəb olub.

Qəza nəticəsində hər iki avtomobilə maddi ziyan dəyib, sürücülərdən biri ayağından yüngül xəsarət alıb.

Qeyd edək ki, ötmə manevri yalnız buna icazə verilən və təhlükəsizliyin təmin olunduğu hallarda həyata keçirilməlidir.

Nərmin