Sumqayıtda 3 avtomobil toqquşdu, xəsarət alanlar var - VİDEO

Sumqayıt şəhəri, Sülh prospektində ağır yol-nəqliyyat hadisəsi baş verib.

Avtosfer.az-ın məlumatına görə, qəza iyulun 6-da axşam saatlarında qeydə alınıb. Belə ki, hərəkətdə olan 10-RH-075 dövlət qeydiyyat nişanlı “Mercedes” markalı, 99-DU-149 dövlət qeydiyyat nişanlı “KIA” markalı və “Toyota” markalı avtomobillər toqquşub.

Hadisə nəticəsində hər üç nəqliyyat vasitəsinə ciddi maddi ziyan dəyib. İlkin məlumata görə, qəza zamanı sürücülər arasında xəsarət alanlar olub.

Qəzanın ardından prospektdə nəqliyyatın hərəkətində müvəqqəti sıxlıq yaranıb. Əraziyə polis əməkdaşları və təcili tibbi yardım briqadası cəlb olunub.

Faktla bağlı araşdırma aparılır.

Nərmin