Sumqayıtda qadını vurub öldürən sürücü hadisə yerindən qaçıb

Sumqayıt şəhərində ölümlə nəticələnən yol-nəqliyyat hadisəsi baş verib.

Avtosfer.az-ın APA-ya istinadən məlumatına görə, hadisə şəhərin Sahil küçəsində Corat abidəsinin yaxınlığında qeydə alınıb. 

Belə ki, 1977-ci il təvəllüdlü Əliyeva Mənsumə Dilsuz qızını "Mercedes" markalı avtomobil vurub. Qəza nəticəsində 42 yaşlı qadın aldığı xəsarətlərdən dünyasını dəyişib.  

Sürücünün hadisə yerindən yayındığı bildirilir. 

Faktla bağlı araşdırma aparılır.