Sumqayıtda qəza: “Opel”lər toqquşdu, biri ağaca çırpıldı - VİDEO

Sumqayıt şəhəri, 13-cü mikrorayon dairəsində yol-nəqliyyat hadisəsi baş verib.

Avtosfer.az-ın məlumatına görə, qəza dekabrın 17-də axşam saatlarında Babək küçəsində qeydə alınıb. Belə ki, hərəkətdə olan 90-LJ-845 dövlət nömrə nişanlı “Opel” markalı maşın, 77-TE-353 dövlət nömrə nişanlı “Opel” markalı avtomobillə toqquşub. Ardınca yol kənarındakı ağaclara çırpılıb. Hadisə nəticəsində hər iki nəqliyyat vasitəsi yararsız hala düşüb. Xoşbəxtlikdən xəsarət alan olmayıb. 

Qeyd edək ki, əraziyə polis əməkdaşları cəlb olunub.

Faktla bağlı araşdırma aparılır. 

Nərmin