Suraxanıda motosiklet avtomobillə toqquşdu: sürücü xəsarət alıb

Bakının Suraxanı rayonunda yol-nəqliyyat hadisəsi zamanı 1 nəfər xəsarət alıb. Avtosfer.az-ın APA-ya istinadən məlumatına görə, hadisə Hövsan qəsəbəsində baş verib. 1993-cü il təvəllüdlü Abbasov Cavidan Cahid oğlu idarə etdiyi motosikletlə hərəkətdə olarkən idarəetməni itirib. Nəticədə nəqliyyat vasitəsi minik avtomobili ilə toqquşub. Hadisə zamanı C.Abbasov xəsarət alaraq xəstəxanaya yerləşdirilib.

Faktla bağlı Suraxanı Rayon Polis İdarəsində araşdırma aparılır.