Suraxanıda zəncirvari qəza - 3 maşın toqquşdu - VİDEO

Paytaxtın Suraxanı rayonu, Paytaxtın Suraxanı rayonu, Günəşli qəsəbəsi, Abbas Fətullayev küçəsində zəncirvari yol-nəqliyyat hadisəsi baş verib.

Avtosfer.az-ın məlumatına görə, qəza aprelin 17-də səhər saatlarında qeydə alınıb. Belə ki, hərəkətdə olan “Chevrolet”, “Mercedes” və “Toyota” markalı maşınlar bir-biriylə toqquşub. Şahidlərin iddiasına əsasən, qəzaya səbəb yağışlı yolda sürət həddinin aşılması olub. Nəticədə hər üç maşına maddi ziyan dəyib. Xoşbəxtlikdən hadisə zamanı xəsarət alan olmayıb.

Qeyd edək ki, hadisə yerinə polis əməkdaşları cəlb olunub.

Faktla bağlı araşdırma aparılır.