Sürücülük hüququ olmayan şəxs piyadanı vurub öldürdü - Cəlilabadda

Cəlilabadda 42 yaşlı kişini maşın vurub. Avtosfer.az-ın Trend-ə istinadən məlumatına görə, hadisə rayonun Səhrədabad kəndi ərazisində baş verib. Kənd sakini Hüseynov Eldəniz Əlirza oğlu sürücülük hüququ olmadan Ağstafa rayon sakini Mehdiyev Eldəniz Zirəddin oğluna məxsus "QAZ 31-10" markalı avtomobillə Səhrədabad-Ləkik avtomobil yolu ilə hərəkətdə olarkən yolu keçən, Cəlilabad rayonunun Mirzəli kənd sakini, 1977-ci il təvəllüdlü Abbasov Qafur Vahid oğlunu vurub. Nəticədə piyada aldığı xəsarətlərdən hadisə yerində dünyasını dəyişib.

Faktla bağlı cinayət işi başlanıb.