Təkəri partlayan avtobus çaya düşdü: 19 ölü, 21 yaralı - FOTO + VİDEO (Yenilənib)

Rusiyanın Transbaikal ərazisində sərnişin avtobusunun çaya düşməsi nəticəsində ölənləri və xəasrət alanların sayı artıb. Bildirilir ki, qəzada dünyasını dəyişən sərnişinlərin sayı 19-a, xəsarət alanların isə 21 nəfərə çatıb.

****** 10.50

Rusiyanın Transbaikal ərazisində sərnişin avtobusunun qəzaya uğraması ilə nəticələnən ağır yol-nəqliyyat hadisəsi baş verib. Avtosfer.az xəbər verir ki, insident bu gün Moqoytuy – Sretinsk – Oloçi avtomagistralının 60-cı kilometrliyində qeydə alınıb.

Məlumata görə, içərisində 43 sərnişinin olduğu, Sretinsk - Çita marşrutu ilə hərəkətdə olan avtobus, ön təkərinin partlaması səbəbindən sürücünün idarəetməsindən çıxaraq körpüdən Kuenqa çayına düşüb.

İlkin məlumatlara görə, qəzada 10 nəfər dünyasını dəyişib, daha 5 nəfər isə xəsarət alıb. Taralılar ambulanslarla xəstəxanaya çatdırılıb.

Hadisə yerinə xilasetmə, səhiyyə əməkdaşları və təcili tibbi yadım vertolyotu cəlb edilib.

Araşdırmalara aparılır.

Namiq Musayev