Təyyarə milli parka düşdü: 2 ölü

Yeni Zelandiyada yüngül mühərrikli təyyarənin qəzaya uğraması nəticəsində 2 nəfər ölüb.

Avtosfer.az xəbər verir ki, hadisə adanın şimalında yerləşən Tararua Rendj milli parkında qeydə alınıb. Bu barədə “New Zealand Herald” məlumat yayıb.

Məlumata görə, göyərtəsində 2 nəfərin olduğu təyyarə Fokspayn hava limanından havaya qalxıb.

O radarlardan ötən gün axşam saatlarında itib. Təyyarənin qalıqları və 2 nəfərin meyiti bu gün səhər saatlarında aşkarlanıb.

Qəzanın baş vermə səbəbləri araşdırılır.

Namiq Musayev