Təyyarə tüstülədi: sərnişinlər son anda göyərtədən çıxarıldı - VİDEO

“Air China” aviaşirkətinə məxsus təyyarə baş verən tüstüləmə səbəbindən Tokioya uça bilməyib. Avtosfer.az “TASS”a istinadən xəbər verir ki, insident Çinin “Şoudu” hava limanında CA183 reysinə minik zamanı qeydə alınıb. Bu barədə ölkənin Mərkəzi telekanalı məlumat yayıb.

Bildirilir ki, minik zamanı hava gəmisinin komandiri mühərrikləri işə salıb. Lakin anidən salonda tüstüləmə olub və bundan sonra ekipaj üzvləri dərhal sərnişinləri evakuasiya ediblər.

Hadisə ilə bağlı araşdırmalar aparılır.

Namiq Musayev