Tovuzda 37 yaşlı kişi ot daşıyan maşının yük yerindən yıxılıb

Ağstafa sakini Tovuz rayonunda ot bağlaması daşıyan "KamAZ"ın yük yerindən yıxılaraq ağır xəsarət alıb. Avtosfer.az-ın "Report"a istinadən məlumatına görə, Ağstafa rayon sakini, 1982-cü il təvəllüdlü Bəhruz Orucov kəllə-beyin travması diaqnozu ilə xəstəxanaya yerləşdirilib. Hazırda onun vəziyyətinin kafi olduğu bildirilir. Yaxınları onun Tovuz rayonunda ot daşıyan maşının yük yerindən yıxılaraq xəsarət aldığını deyib.

Faktla bağlı araşdırma aparılır.