Traktor "Toyota" ilə toqquşdu: 2-si ağır, 5 yaralı - FOTO

Türkiyənin Van vilayətində traktorun və minik avtomobilinin iştirakı ilə  baş verən yol qəzasında 5 nəfər xəsarət alıb. Avtosfer.az xəbər verir ki, insident ötən gün axşam saatlarında Van–Özalp avtomagistralının Sugeçər qovşağında qeydə alınıb.

Traktorla "Toyota" markalı minik avtomobilinin toqquşması ilə bağlı xəbər alan xilasedicilər, polis və səhiyyə briqadaları hadisə yerinə gəliblər. Zərbənin təsirindən deformasiyaya uğrayan "Toyota"da sıxışaraq qalan yaralılar, xilasedicilər tərəfindən sıxışdıqları yerdən çıxarılaraq səhiyyə işçilərinə təhvil veriliblər. Yaralılar ambulanslara yaxınlıqdakı xəstəxanalara çatdırılıblar.

Polis qəza ilə bağlı təhqiqatlara başlayıb.

Namiq Musayev