Ucarda 11 yaşlı qızı maşın vurub

Ucarda piyadanı maşın vurub. Avtosfer.az-ın APA-ya istinadən xəbərinə görə, hadisə bu gün gündüz saatlarında şəhərin Azərbaycan küçəsində qeydə alınıb. Rövşən Məhəmməd oğlu Kərimov idarə 61 BH 206 dövlət nömrə nişanlı "VAZ-2106" markalı minik maşını ilə yolu keçən piyada, rayon sakini, 2008-ci il təvəllüdlü Gülüstan Rasim qızı Məmmədovanı vurub. G.Məmmədova Ucar Mərkəzi Rayon Xəstəxanasının cərrahiyyə şöbəsinə gətirilib. İlkin yardım göstərildikdən sonra G.Məmmədova Göyçay rayon xəstəxanasına yerləşdirilib.

Faktla bağlı araşdırma aparılır.