Ucarda yol-nəqliyyat hadisəsi olub, xəsarət alan var

Ucar rayonunda yük maşını inəyi vurub.

"Report"un Yuxarı Şirvan bürosu xəbər verir ki, hadisə Bakı-Qazax yolunun rayonun Təzə Şilyan kəndindən keçən hissəsində qeydə alınıb.

1989-cu il təvəllüdlü Əsədov Teymur Arzuman oğlu "Ford" markalı yük maşını ilə hərəkətdə olarkən qəfildən onun qarşısına çıxan inəyi vurub. Nəticədə sürücü xəsarət alıb. Yaralı Kürdəmir Rayon Mərkəzi Xəstəxanasına çatdırılıb.

Fakt araşdırılır.