Ukrayna dairəsində qayda pozan sürücü “Mercedes”i vurdu - VİDEO

Paytaxtın Xətai rayonu, Ukrayna dairəsində baş vermiş yol-nəqliyyat hadisəsi kameraya düşüb.

Avtosfer.az-ın məlumatına görə, qəza bir müddət əvvəl günorta saatlarında qeydə alınıb. Hərəkətdə olan “Mercedes” markalı avtomobil, sol tərəfdən gələn eyni markalı maşınla toqquşub. Kadrdan göründüyü kimi, ağ rəngli “Mercedes”in sürücüsü dairəvi hərəkət təşkil olunmuş yolayrıcının keçilməsi qaydasını pozub.

Belə ki, o, dairə boyunca hərəkətdə olan avtomobili gözləmədən yoluna davam edib və bu zaman görüntünü qeydə alan maşını vurub.

Xatırladaq ki, “Yol hərəkəti haqqında” Qanunun 42-ci maddəsində qeyd olunur ki, dairəvi hərəkət təşkil olunmuş yolayrıcının qarşısında “4.3 – Dairəvi hərəkət” nişanı qoyulduqda, sürücülər dairə üzrə hərəkət edən nəqliyyat vasitələrinə yol verməlidirlər.

Nərmin