Uşaqların olduğu avtobus reys avtobusuna çırpıldı: 13-ü uşaq, 18 yaralı - FOTO

Çexiyanın Praqa şəhərində iki avtobusun iştirakı ilə baş verən yol qəzasında 18 nəfər xəsarət alıb. Avtosfer.az xəbər verir ki, insident bu gün Xodov rayonunda qeydə alınıb. Bu barədə jurnalistlərə təcili tibbi yardım xidmətinin nümayəndəsi Yana Poştova deyib.

Onun sözlərinə görə, rayon ərazisində uşaqları daşıyan avtobus aşağı sürətlə reys avtobusuna arxadan çırpılıb. Nəticədə yaşları 4-ə yaxın olan 13 uşağa tibbi yardım göstərilib. Daha 5 ortayaşlı şəxs isə şəhər xəstəxanasına yerləşdirilib.

Şəhər polisindən bildiriblər ki, yaralıların hansı milliyyətdən olması barədə hələlik onlarda məlumat yoxdur.

Polis qəza ilə bağlı təhqiqatlara başlayıb.

Namiq Musayev