Xaçmazda avtomobillə sərxoş vəziyyətdə vurulan piyada ölüb

Xaçmazda ölümlə nəticələnən yol qəzası baş verib. Avtosfer.az-ın "Report"a istinadən xəbərinə görə, hadisə oktyabrın 22-də rayonun Bakı prospektində qeydə alınıb.

Belə ki, rayon sakini Vahid Nağıyev idarə etdiyi "Mercedes-Benz C 230" markalı avtomobillə yolu keçmək istəyən həmyerlisi Gülməhəmməd Ərzimanovu vurub. Piyada aldığı xəsarət nəticəsində ölüb.

Araşdırma zamanı məlum olub ki, G.Ərzimanov sərxoş olub.

Faktla bağlı Xaçmaz Rayon Polis Şöbəsində cinayət işi başlanılıb, araşdırma aparılır.