Xətaidə baş verən yol qəzasında iki nəfər xəsarət alıb

Bakının Xətai rayonunda xəsarətlə nəticələnən yol-nəqliyyat hadisəsi baş verib. Avtosfer.az "Report"a istinadən xəbər verir ki, hadisə "Nargilə" kafesinin yaxınlığında qeydə alınıb. Qəza zamanı 18 yaşlı Əliyev Bəylər Bəhruz oğlu və onun həmyaşıdı Kərimli İman Vasif oğlu xəsarət alıblar. Yaralılar təcili tibbi yardım briqadasının köməkliyi ilə xəstəxanaya çatdırılıblar. Onlara qapalı kəllə-beyin və döş qəfəsinin küt travması diaqnozları qoyulub.