Xətaidə qəza: “KIA” yük maşını ilə toqquşdu - VİDEO

Paytaxtın Xətai rayonu, Əhmədli qəsəbəsində yol-nəqliyyat hadisəsi baş verib.

Avtosfer.az-ın məlumatına görə, qəza iyulun 10-da günorta saatlarında Ukrayna dairəsi yaxınlığında qeydə alınıb. Hərəkətdə olan “KIA” markalı minik avtomobili “Mercedes” markalı yük maşını ilə toqquşub.

Hadisə nəticəsində hər iki nəqliyyat vasitəsinə maddi ziyan dəyib. Xoşbəxtlikdən qəza zamanı xəsarət alan olmayıb.

Qəzanın ardından ərazidə nəqliyyatın hərəkətində sıxlıq yaranıb.

Faktla bağlı araşdırma aparılır.

Nərmin