Yaponiyada təyyarə qəzaya uğradı – Sağ qalan yoxdur

Yaponiyanın Fukuoka əyalətində "Cirrus SR20" təyyarəsi dağlıq əraziyə düşüb.

Avtosfer.az xəbər verir ki, Saga hava limanından Yao hava limanına gedən təyyarədəki 3 nəfərin hamısı həlak olub.

Hadisə yerinə çox sayda yanğın, tibbi və axtarış-xilasetmə qrupu göndərilib. Yaponiyanın Özünümüdafiə Qüvvələrinə aid U-125 tipli axtarış-xilasetmə təyyarəsi də əməliyyatlara cəlb olunub.

Qəzanın səbəbini müəyyən etmək üçün geniş araşdırma aparılır./News24.az