Yasamalda avtobusla taksi toqquşdu – Yolda hərəkət çətinləşdi - VİDEO

Paytaxtın Yasamal rayonunda yol-nəqliyyat hadisəsi baş verib.

Avtosfer.az xəbər verir ki, qəza oktyabrın 7-də saat 10:45 radələrində qeydə alınıb.

Belə ki, Abbas Mirzə Şərifzadə küçəsi istiqamətində yolayrıcına daxil olan “BakuBus” MMC-yə məxsus 14 nömrəli marşrut xətti üzrə hərəkət edən 77-JB-058 dövlət nömrə nişanlı “BYD” markalı avtobus  taksi fəaliyyəti göstərən “Hyundai” markalı avtomobillə toqquşub.

İlkin məlumata görə, hadisəyə “Hyundai” markalı avtomobilin sürücüsünün ara məsafəsini düzgün təyin etməməsi səbəb olub.

Qəza nəticəsində hər iki nəqliyyat vasitəsinə maddi ziyan dəyib. Hadisə səbəbindən yolda sıxlıq yaranıb. Avtobusun hərəkətinin dayanması ilə sərnişinlər nəqliyyat vasitəsindən düşmək məcburiyyətində qalıblar.

Nərmin