Yeniyetmə “Prado” ilə qəza törədib 5 avtomobili əzdi – Polis araşdırmaya başladı – FOTO - VİDEO

12 yaşlı yeniyetmə idarə etdiyi avtomobillə qəza törədib. Avtosfer.az xəbər verir ki, hadisə Rusiyanın Vladivostok şəhərində baş verib. Məlumata görə, yeniyetmə dostları ilə birlikdə “Toyota Prado” markalı avtomobilə minərək 83 nömrəli məktəb istiqamətinə yollanıb. Lakin təcrübəsiz sürücü idarəetməni itirib. Nəticədə yol kənarında park edilmiş 5 avtomobili əzərək yararsız hala salıb.

Toqquşmadan dərhal sonra qorxan yeniyetmə və dostları hadisə yerindən qaçaraq gizləniblər. Xoşbəxtlikdən qəza zamanı xəsarət alan olmayıb.

Hazırda hüquq-mühafizə orqanları hadisənin təfərrüatlarını, azyaşlının avtomobilin açarlarını necə əldə etdiyini araşdırır. Dəymiş ziyanın dəqiq məbləği müəyyənləşdirilir. Yeniyetmənin valideynlərini böyük məbləğdə cərimə və kompensasiya öhdəlikləri gözləyir.

Namiq Musayev