Yola baxmadan geriyə dönən sürücü qəza törətdi - REAL VİDEO

Cəlilabadda baş vermiş yol qəzası anbaan müşahidə kamerasına düşüb.

Avtosfer.az-ın məlumatına görə, görüntü bir müddət əvvəl səhər saatlarında qeydə alınıb. Görüntüdən aydın olduğu kimi, “Mercedes” markalı avtomobilin sürücüsü qarşı tərəfdən gələn “VAZ-2106” markalı maşına əhəmiyyət vermədən geriyə dönür. Bu zaman “VAZ”ın sürücüsü baş verə biləcək qəzanın qarşısını almaq üçün sağa manevr edir. Lakin qəza qaçılmaz olur. Qeyd edək ki, hadisə zamanı hər iki nəqliyyat vasitəsinə maddi ziyan dəyib. Eyni zamanda “VAZ”ı idarə edən şəxs və avtomobildəki sərnişinin yüngül xəsarətlər alıb.

Xatırladaq ki, qanunvericiliyə görə, sola, yaxud geriyə dönən zaman eyni səmtə gedən və qarşı tərəfdən gələn nəqliyyat vasitələrinə yol vermək lazımdır.

Nərmin