Yolayrıcına təhlükəli şəkildə daxil olan sürücü qəza törətdi - REAL VİDEO

Füzuli rayonunun Böyük Bəhmənli kəndində baş verən yol-nəqliyyat hadisəsi kameraya düşüb.

Avtosfer.az-ın məlumatına görə, qəza iyunun 16-da saat 18:56 radələrində qeydə alınıb. Belə ki, “VAZ” markalı avtomobil yolayrıcına daxil olarkən “Mercedes” markalı nəqliyyat vasitəsi ilə toqquşub.

Görüntülərdən məlum olur ki, “VAZ” markalı avtomobilin sürücüsü yolayrıcına daxil olmamışdan əvvəl sol tərəfdən gələn nəqliyyat vasitəsinin hərəkət istiqamətini və üstünlük hüququnu düzgün qiymətləndirməyib. Nəticədə aəza qaçılmaz olub.

Hadisə zamanı xəsarət alan olmasa da, hər iki nəqliyyat vasitəsinə ciddi maddi ziyan dəyib.

Qeyd edək ki, qanunvericiliyə əsasən, sürücülər nizamlanmayan yolayrıclarına daxil olarkən digər hərəkət iştirakçılarına üstünlük verməli, yaxınlaşan nəqliyyat vasitələrinin məsafə və sürətini düzgün qiymətləndirməlidirlər. Xüsusilə ikinci dərəcəli yoldan əsas yola çıxan sürücülər təhlükəsiz keçidi təmin etmədən hərəkətə başlamamalıdırlar.

Nərmin