Yük avtomobili minik maşınına çırpıldı: 1 yaralı

Bakı-Sumqayıt yolunda xəsarətlə nəticələnən yol-nəqliyyat hadisəsi baş verib. Avtosfer.az-ın "Report"a istinadən xəbər verir ki, "Şaqman" markalı yük avtomobili hərəkətdə olarkən, arxadan "Daewoo" markalı minik maşınına çırpılıb. Hadisə zamanı "Daewoo"nun sürücüsü, 1975-ci il təvəllüdlü Səfərov Nazim Zöhrab oğlu ağır bədən xəsarəti alıb. O, təcili yardımın köməyi ilə xəstəxanaya çatdırılıb. Yaralıya bədənin aşağı və yuxarı nahiyələrinin küt travması diaqnozu qoyulub. Polis hadisənin təfərrüatını araşdırır.