Yük maşını tuneldə yandı: 5 ölü, 31 yaralı - FOTO

Çinin Çjeçzyan əyalətində yük maşınında baş vermiş yanğında 5 nəfər ölüb, 31 nəfər isə xəsarət alıb. Avtosfer.az “TASS”a istinadən xəbər verir ki, insident avqustun 27-si axşam saatlarında Tayçjou şəhərinin G15 sürət avtomagistralında qeydə alınıb.

Məlumata görə, Linıxay şəhəri istiqamətinə hərəkət edən yük maşınının təkəri tuneldə anidən alovlanıb. Yanğın tez bir zamanda maşının yük yerinə çataraq daha da genişlənib və ətrafı qatı tüstü bürüyüb. Bu səbəbdən  bir çox avtomobil tuneldə qalıb. Nəticədə 36 nəfər yanıq və müxtəlif bədən xəsarətləri ilə xəstəxanaya yerləşdiriliblər. Onlardan 5-i həyatının itirib, 14 nəfərin vəziyyətinin ağır olduğu bildirilib.

Artıq Çin polisi yük maşının sürücüsünü həbs edib.

Araşdırmalar aparılır.

Namiq Musayev