Zirehli maşın təlim zamanı qəzaya uğradı: 3 ölü, 3 yaralı

ABŞ-ın Corciya ştatında keçirilən hərbi təlim zamanı 3 hərbçi ölüb, daha 3-ü isə xəsarət alıb. Avtosfer.az xəbər verir ki, faciə ötən gün Fort-Styüart hərbi bazasının poliqonunda baş verib. Bu barədə "ABC" telekanalı məlumat yayıb.

Məlumata görə, 1-ci zirehli tank briqadasının 3-cü piyada diviziyasının iştirakı ilə keçirilən təlimdə, “Bradley” markalı zirehli maşın qəzaya uğrayıb. Nəticədə 3 hərbçi hadisə yerində dünyasını dəyişib. Yaralılar xəstəxanaya yerləşdirilib.

Hazırda araşdırmalar aparılır.

Namiq Musayev