Hər gedib-gəldikcə böyrək daşım silkələnir - Müğənni üsyan etdi - VİDEO

Müğənni Günel Zeynalova Mərdəkandakı yol probleminə etiraz edib. Avtosfer.az xəbər verir ki, müğənni Mərdəkan qəsəbəsində yerləşən bağ evinə gedən yolun vəziyyətindən narazılığını ifadə edib. Sənətçi sosial şəbəkə hesabında paylaşım edərək yolun yararsız vəziyyətdə olduğunu bildirib və aidiyyəti qurumlara müraciət edib.

G.Zeynalovanın sözlərinə görə, yolda aparılan təmir işlərindən sonra vəziyyət daha da çətinləşib. O, avtomobillə hərəkət zamanı yaranan çətinliklərdən şikayətlənib.

"Bağımın yolunu göstərirəm. Hər gedib-gəldikcə böyrək daşım silkələnir. Xahiş edirəm, Mərdəkan bölgəsindəki bu yolu təmir edin. Təmir zamanı vəziyyət daha da pis olub. Bu, biabırçılıqdır", - deyə müğənni qeyd edib.

Sənətçi problemin tezliklə həll olunmasını istəyib.