Köç karvanı Şükürbəyli kəndinə çatdı - FOTOLAR - YENİLƏNİB

Cəbrayıl rayonun Şükürbəyli kəndinə yola salınan köç karvanı doğma yurda çatıb.

Avtosfer.az xəbər verir ki, onlara mənzillərinin açarları təqdim edilib.

Xatırladaq ki, bu mərhələdə Şükürbəyli kəndinə 45 ailə - 196 nəfər köçürülüb.

***09:36

Prezident İlham Əliyevin tapşırığına uyğun olaraq, işğaldan azad edilmiş ərazilərə Böyük Qayıdış davam etdirilir. Cəbrayıl rayonun Şükürbəyli kəndinə köç edənlər respublikanın müxtəlif yerlərində, əsasən yataqxanalarda, sanatoriya və inzibati binalarda müvəqqəti məskunlaşmış ailələrdir.

Avtosfer.az xəbər verir ki, bu mərhələdə  Şükürbəyli kəndinə 45 ailə - 196 nəfər köçürülüb. Doğma yurda qayıdan sakinlər hərtərəfli dövlət qayğısı ilə əhatə olunduqlarına görə Prezident İlham Əliyevə və Birinci vitse-prezident Mehriban xanım Əliyevaya təşəkkür ediblər. Onlar, həmçinin torpaqlarımızı işğaldan azad edən rəşadətli Azərbaycan Ordusuna, qəhrəman əsgər və zabitlərimizə minnətdarlıqlarını bildirib, bu yolda canlarından keçən şəhidlərimizə rəhmət diləyiblər.