"Pulunu yedilər, buranı düzəltmədilər" - Yol problemi - VİDEO

Suraxanı rayonu, Zığ qəsəbəsi, səkkizinci Zığ küçəsindəki yollar illərdir yararsız vəziyyətdədir.

Avtosfer.az-ın Baku TV-yə istinadən məlumatına görə, asfaltlanmayan və çala-çöküklü olan yolların, xüsusilə, yağışlı havalarda palçıqla dolması sakinlər üçün ciddi problemə çevrilib.

Küçədə işıq dirəklərinin olmaması isə gecə saatlarında sakinlərə əlavə çətinlik yaradır.

"10-15 ildir küçə bu vəziyyətdədir. Belə yaşamaq mümkün deyil", "Digər küçələri düzəltdilər, amma bura baxan olmadı. Pulunu yedilər, buranı heç düzəltmədilər", - deyə sakinlər öz şikayətlərini qeyd ediblər.