Təhlükəli hava şəraitində vətəndaşlar azyaşlılarla birgə dənizdə çimirlər - VİDEO

Küləkli hava şəraiti ilə əlaqədar Xəzər dənizində dalğaların hündürlüyünün artacağı gözlənilir. Fövqəladə Hallar Nazirliyi və Milli Hidrometeorologiya Xidməti əhaliyə küləkli havada dənizə girməmək və çimərliklərdə ehtiyatlı olmaq barədə xəbərdarlıq edib. Buna baxmayaraq, Bilgəh qəsəbəsində nəzarət olunmayan sahildə böyüklərin və azyaşlı uşaqların dənizdə çimdiyi müşahidə olunur. Avtosfer.az xəbər verir ki, "Baku TV"nin ərazidə olan əməkdaşının sözlərinə görə, həmin sahə rəsmi çimərlik deyil. Burada xəbərdaredici lövhələr, xilasedicilər və aidiyyəti qurumların əməkdaşları yoxdur. Vətəndaşlar isə bütün təhlükələrə baxmayaraq, azyaşlı uşaqlarla birlikdə dənizə girirlər.