ABŞ Aya süni intellektlə işləyən dronlar göndərəcək

NASA Ayda baza qurarkən süni intellektlə (AI) işləyən dronlardan istifadə etməyi planlaşdırır.

Avtosfer.az Oxu.az-a istinadən xəbər verir ki, bu barədə ABŞ kosmik agentliyinin Ay bazasının yaradılması proqramının rəhbəri Karlos Qarsia-Qalan "RİA Novosti" nəşrinə bildirib.

"Süni intellekt əsas istiqamətlərdən biridir. Əgər dronun nə etməli olduğunu təsəvvür etsək - əraziləri araşdırmaq və uyğun eniş yerlərini tapmaq, o zaman AI buna əhəmiyyətli dərəcədə kömək edə bilər", - deyə Qarsia bildirib.

O əlavə edib ki, ABŞ hələ ki, Ay stansiyasının layihələndirilməsinin ilkin mərhələsindədir.

Qeyd edək ki, may ayında NASA 2032-ci ilə qədər Ay səthində yaşayış üçün yararlı bazanın yaradılması üzrə üç mərhələli planı elan edib.