Dünyanın ən sürətli dronları İstanbulda yarışacaq

Sentyabrın 20-dən 23-dək İstanbulda Dünya Dron Çempionatı təşkil olunacaq. Avtosfer.az Azərtac-a istinadən xəbər verir ki, İstanbulun yeni hava limanında keçiriləcək tədbirdə dünyanın ən sürətli dronları yarışacaq. Türkiyənin ilk aviasiya, kosmos və texnika festivalı sayılan “Teknofest İstanbul” çərçivəsində təşkil olunacaq yarışda 25-dən çox ölkəni 64 idmançı təmsil edəcək. Dünyada ilk dəfə ən çox ölkənin təmsil olunacağı bu dron yarışında qurğuların saatda 250 kilometr sürətlə hərəkət edəcəyi gözlənilir.