Qoyunları canavarlardan qoruyan kostyum hazırladılar

Avstriyada fermer və ixtiraçı minilliklərdir qoyunçuluqla məşğul olan insanların üzləşdiyi problemlərdən birinə həll təqdim etdiklərini bildiriblər. Onlar qoyunları canavar hücumlarından qorumaq üçün metal tikanlarla təchiz edilmiş xüsusi zirehli kostyum hazırlayıblar. Avtosfer.az xəbər verir ki, bu barədə "Gandul" nəşri məlumat yayıb. 72 yaşlı ixtiraçı bildirib ki, qoruyucu kostyumun hazırlanması üzərində uzun illər çalışıb. Lakin ixtiraya internet istifadəçilərinin reaksiyası birmənalı olmayıb. Bir çoxları bu ideyaya təəccüblə yanaşsa da, digərləri onu sərt şəkildə tənqid ediblər.
Heyvanların müdafiəsi ilə məşğul olan təşkilatlardan biri kostyumun qoyunlara mümkün mənfi təsirlərinin araşdırılmasını tələb edib. Təşkilat hətta müəyyən olunacağı təqdirdə, heyvanlara əziyyət verdiyi üçün bu kostyumun istifadəsinin qadağan edilməsini də təklif edib.
“Fermer və ixtiraçı barəsində heyvanların rifahı və heyvandarlıq qaydalarının pozulması iddiası ilə şikayətlər təqdim olunub. Digər tərəfdən, Avstriyada baş verən bu hadisə qoyun sürülərinin qorunması, həmçinin heyvandarların maraqları ilə vəhşi təbiətin mühafizəsi arasında tarazlığın necə saxlanılması mövzusunda müzakirələri yenidən alovlandırıb”, deyə xəbərdə qeyd olunub.

Məsələ eyni zamanda qoyun sürülərinin təhlükəsizliyi və vəhşi heyvanların qorunması arasında balansın yaradılması ilə bağlı mübahisələri yenidən gündəmə gətirib.

Avstriyada canavar problemi
Avstriyada ov mövsümündən kənar dövrdə xüsusi icazə olmadan canavarların öldürülməsi qadağandır. Bunun səbəbi yırtıcıların Avropa İttifaqının yaşayış mühitlərinin qorunmasına dair direktivinə əsasən mühafizə olunan növlər siyahısına daxil edilməsidir.

Bununla yanaşı, Avstriyanın bəzi regionlarında yalnız sürülərə və təsərrüfatlara təhlükəli şəkildə yaxınlaşan aqressiv canavarların məhv edilməsinə icazə verilir.
Məqalədə vurğulanır ki, Avstriyada canavarların sayı sürətlə artır və bu məsələ 2022-ci ildən etibarən cəmiyyətdə fikir ayrılığı yaradan problemlərdən birinə çevrilib. Nəşr bunu Rumıniyada ayıların sayının artması ilə bağlı yaranan problemlə müqayisə edib. (Demokrat.az)