Sürücü bu yerdən geriyə dönə bilər?- Doğru cavab

Avtosfer.az saytı ötən həftənin sualının doğru cavabını və qalib gəlmiş oxucunun adını təqdim edir. Sual belədir:
Gördüyünüz fotoda sürücü dəmiryol keçidinin yaxınlığından bu qaydada geriyə dönə bilər?

 1) Dönə bilər

2) 100 metr məsafədən dönə bilər

 3) Dönə bilməz

Doğru cavab: Dönə bilər. Yol Hərəkəti Haqqında Qanunun 42-ci maddəsinin XII hissəsində geriyə dönmənin hansı yerlərdə qadağan olunduğu qeyd olunub. Həmin maddədə dəmiryol keçidlərində geriyə dönmə ilə bağlı heç bir məsafə anlayışı qeyd olunmayıb. Ona görə də bilavasitə dəmiryol keçidinin üzərindən geriyə dönmə qadağan edilib.
Təqdim etdiyimiz fotoda sürücü geriyə dönməni keçidə çatmamış etdiyi üçün qaydalar çərçivəsində olacaqdır.

Sualın ilk düzgün və izahlı cavabını verən Emil Hüseynov adlı oxucumuz 5 manatlıq danışıq kartını qazandı. Oxucumuzu Avtosfer.az saytı adından təbrik edirik!