"Artıq kəndimizdəyik, artıq elimizdə-obamızdayıq" - Elməddin Muradlı

Zəngilanın Məmmədbəyli kəndinə bu gün həyata keçirilən növbəti köçürülmə çərçivəsində köç edən ailələr arasında tanınmış nəqliyyat eksperti Elməddin Muradlının ailəsi də yer alıb.

Avtosfer.az xəbər verir ki, bu barədə o, özünün feysbuk hesabında paylaşım edib. 

E.Muradlı bildirib ki, 38 yaşında məcburi köçkün düşən anası 70 yaşında doğma yurduna - Zəngilana geri dönür. Həmin dövrdə 36 yaşı olan atasının da bu gün ağarmış saçları və bükülmüş beli ilə Vətənə yola düşməsi onun üçün xüsusi hisslər yaradıb.

O qeyd edib ki, ailəsi 1993-cü il oktyabrın 29-da Bakıya səhər çağı məcburi köçkün kimi gəlib və bu gün Zəngilana dönüş də eyni saatlara təsadüf edib.

Muradlı “Böyük Qayıdış” prosesində iştirak etdikləri üçün qürur duyduğunu vurğulayıb.

Ekspert paylaşımını belə tamamlayıb:

"Bu gün bizim üçün çox gözəl gündür. Artıq kəndimizdəyik, artıq elimizdə-obamızdayıq"./redaktor