Avtobus zolağında unudulan qırıq xətlər sürücüləri qayda pozmağa məcbur edir - VİDEO

Paytaxtın Xətai rayonu Məhəmməd Hadi küçəsində hərəkətin təşkilində yaranmış problem sürücüləri çətin vəziyyətə salır və onları qaydaları pozmağa məcbur edir. Redaksiyamızın qaynar xəttinə müraciət edən oxucu göndərdiyi görüntüdə bu problemi izah edib. Videoda görünür ki, Məhəmməd Hadi küçəsi ilə kəsişən ərazidə (Xətai Rayon Məhkəməsinin yaxınlığında) avtobus zolağına daxil olan sürücülər həmin zolağı tərk etmək istədikdə, qarşılarına bütöv xətt çıxır. Nəticədə, sürücülər qanun pozuntusuna yol vermək məcburiyyətində qalaraq bütöv xəttin üzərindən manevr edirlər.

Hərəkətin təşkilində nöqsan olduğu halda sürücülər heç bir məsuliyyətə cəlb edilə bilməz. Ümid edirik ki, aidiyyəti qurumlar tez bir zamanda yaranmış nöqsanı aradan qaldıracaq.

Fərid