Azərbaycanda maraqlı yenilik; yol kənarına məktəbli maketi qoyuldu ki... - VİDEO

Azərbaycanın rayonlarından birində şagirdlərin təhlükəsizliyini artırmaq məqsədilə maraqlı təşəbbüs həyata keçirilib.

Avtosfer.az xəbər verir ki, bu təşəbbüs Avropada tez-tez gördüyümüz görüntülərə bənzəyir, lakin bu dəfə Balakəndə reallaşıb.

Yol kənarına quraşdırılan maketlər sürücülərin məktəb yolunda daha diqqətli olmalarına xidmət edir. Məktəbli maketlərinin yerləşdirilməsi sayəsində sürücülər sürətini azaldır və yol hərəkəti zamanı daha ehtiyatlı olurlar.

Tədbirin təşəbbüskarları bildirirlər ki, bu cür maarifləndirici tədbirlər uşaqların təhlükəsizliyini təmin etməklə yanaşı, sürücülərdə yol mədəniyyətinin inkişafına da töhfə verir. Maketlərin xüsusi olaraq uşaqların yaş qrupuna uyğun seçilməsi və real boyda hazırlanması, onların yola diqqət çəkən təsirini daha da artırır.

Sakinlər və müəllimlər bu təşəbbüsü alqışlayaraq, yol hərəkətində belə vizual xəbərdarlıqların məktəblilər üçün faydalı olduğunu qeyd edirlər. Təşəbbüsün gələcəkdə digər rayonlarda da tətbiq olunması təklif olunur.

Eltac Zülfüqaroğlu