Bakının daha bir küçəsinə velosiped zolağı çəkildi – FOTO

Paytaxtın Xətai rayonunda yerləşən İzzət Orucova küçəsində yeni velozolaq salınıb.

Avtosfer.az xəbər verir ki, bu zolaq bir tərəfdən Xocalı prospektinə, digər tərəfdən isə Afiyəddin Cəlilov küçəsinə birləşəcək.

Layihənin davamı olaraq növbəti mərhələdə Nəcəfqulu Rəfiyev küçəsində də velozolağın salınması nəzərdə tutulur. Məqsəd paytaxtda ekoloji nəqliyyat vasitəsi olan velosipedlərin istifadəsini təşviq etmək, eləcə də velosiped sürənlər üçün təhlükəsiz və fasiləsiz hərəkət şəraiti yaratmaqdır.

Qeyd edək ki, son dövrlərdə Azərbaycan Yer Üstü Nəqliyyat Agentliyi AYNA tərəfindən bir neçə mərkəzi küçə və prospektdə velozolaqlar çəkilib və bu istiqamətdə işlər davam etdirilir.

Eltac Zülfüqaroğlu