Baxımsız qalan, ağacların arxasında itən YOL NİŞANLARINDAN - FOTO

Bakı şəhərinin küçə və prospektlərində yol hərəkəti təhlükəsizliyini təmin etməli olan yol nişanları baxımsız vəziyyətdədir. Onlardan bəziləri ağacların budaqları arasında itib, bəziləri isə əlavə təsvirlər və müxtəlif növ elanlarla pozulub. Bu hal sürücülərə yol hərəkəti qaydalarını tənzimləyən nişanları vaxtında görməkdə ciddi çətinlik yaradır. Görünməyən nişanlar həm yol hərəkəti qaydalarının pozulmasına, həm də qəza riskinin artmasına səbəb ola bilər. Xüsusilə, sürət həddini, dayanma və durma qaydalarını tənzimləyən yol nişanlarının görünməməsi insan həyatı üçün təhlükə yarada biləcək ciddi qəzalarla nəticələnə bilər. Bundan əlavə, bəzi vətəndaşların nişanlardan elan lövhəsi kimi istifadə etməsi və onların üzərinə müxtəlif təsvirlər çəkməsi şəhərin estetik görüntüsünə xələl gətirən xoşagəlməz hal yaradır. Bu vəziyyətin baş verməməsi üçün yol nişanlarının mühafizəsi daim nəzarətdə saxlanılmalıdır.

PhotoStock.az paytaxtın küçə və prospektlərində baxımsız qalan yol nişanlarından fotoreportaj hazırlayıb: